Կիսպաշտպան Մեյսոն Մաունթը հետաքրքրված է «Չելսիի» հետ պայմանագիրը երկարաձգելու հարցում, հայտնում է  լրագրող Ֆաբրիցիո Ռոմանոն։

Ներկայումս պայմանագրերի կնքման և հետագա տրանսֆերների վրա դրված սահմանափակումները խանգարում են լոնդոնյան թիմին երկարաձգել  23-ամյա ֆուտբոլիստի պայմանագիրը։  Սակայն առաջիկայում ակումբում սեփականատերերի փոփոխություն տեղի կունենա, ինչը թույլ կտա  նոր գործարքներ կնքել։

Մաունթի գործող պայմանագիրը  «Չելսիի» հետ  ավարտվում է 2024 թվականին։ Նա այս մրցաշրջանում «Չելսիի» կազմում ընդհանուր առմամբ մասնակցել է 53 հանդիպման, որոնցում դարձել է 13 գոլի և 16 գոլային փոխանցման հեղինակ։