Զինչենկոն 10-ամյա ուկրաինացի փախստականին հրավիրել է «Մանչեսթեր Սիթիի»  մարզմանը

Ալեքսանդր Զինչենկոն 10-ամյա ուկրաինացի փախստականին հրավիրել է «Մանչեսթեր Սիթիի» մարզմանը։

« Սա Անդրեյն է։  Նա 10 տարեկան է։ Այժմ նա գտնվում է  ապահով վայրում։ Ինչպես և ուկրաինացիների մեծ մասը, նա ընտանիքի հետ ստիպված է եղել լքել տունը։ 75 օր առաջ այս տղան երազում էր ֆուտբոլիստ դառնալ և մարզվում էր իր թիմի հետ։

Այսօր նա երազում է միայն մեր երկրում խաղաղության մասին։ Ինձ համար շատ ցավալի է, քանի որ Ուկրաինայում հիմա շատ երեխաներ կան, ինչպիսին  Անդրեյն է: Նրանց զրկել են մանկությունից, կամ, ինչն ավելի վատ է, կյանքից։

Հավատում եմ, որ կգա մի օր, երբ բոլոր երեխաները կրկին կկարողանան անհոգ ապրել, երազել և  ստանալ դրական զգացողություններ, որոնք այսօր Անդրեյը ստացել  է մեր մարզման ժամանակ» , — իր ինստագրմայան էջում  գրել է Զինչենկոն։