Մբապեն ցանկանում է ՊՍԺ-ի մինի հավաքի փոխարեն մասնակցել մրցանակաբաշխությանը

ՊՍԺ-ի հարձակվող Կիլիան Մբապեն ցանկանում է բաց թողնել թիմի՝ Քաթարում կայանալիք մինի հավաքը, որպեսզի կարողանա ներկա գտնվել Ֆրանսիայի ֆուտբոլիստների միության մրցանակաբաշխության արարողությանը։

23-ամյա հարձակվողն առաջադրվել է Լիգա 1-ի  լավագույն խաղացողի մրցանակին, Մբապեն կարող է երրորդ անգամ անընդմեջ ստանալ այս մրցանակը: RMC Sport-ի տեղեկությունների  համաձայն ՝ ՊՍԺ — ն մտադիր է երկօրյա մինի հավաքի մեկնել Քաթար՝ մայիսի 14-ին «Մոնպելյեի».դեմ խաղից անմիջապես հետո:

ՊՍԺ-ի ֆուտբոլիստների այցը Քաթար  կապված է նաև հովանավորների առջև ակումբի առևտրային պարտավորությունների հետ։

Ֆրանսիայի ֆուտբոլիստների միության նախագահ Ֆիլիպ Պիատը հաստատել է, որ այժմ բանակցություններ են ընթանում Մբապեի՝ մրցանակաբաշխությանը  մասնակցելու վերաբերյալ: