«Եթե հաղթեն՝ կշնորհավորենք նրանց». Կլոպը՝ «Վիլյառեալի» հետ խաղից առաջ

Չեմպիոնների լիգայի ընթացիկ խաղարկության կիսաեզրափակչի «Վիլյառեալի» հետ պատասխան խաղից առաջ «Լիվերպուլի» գլխավոր մարզիչ Յուրգեն Կլոպը ասել է հետեւյալը.

«Երբեք չգիտես, արդյոք հնարավորություն կունենաս կրկին հանդես գալ կիսաեզրափակչում, քանի որ նման հնարավորությունները պետք է գնահատել և ամենայն պատասխանատվությամբ մոտենալ, և մենք լավագույն ձևով ենք նախապատրաստվել այս հանդիպմանը: Մենք շատ էինք ցանկանում հասնել այս փուլին և շատ ենք ցանկանում եզրափակիչ հասնել, բայց եթե «Վիլյառեալը» հաղթի մեզ այնպիսի հաշվով, որը թույլ կտա նրանց դուրս գալ եզրափակիչ, մենք կշնորհավորենք մրցակցին»,- Կլոպի խոսքերն է  մեջբերում ՈՒԵՖԱ-ի մամուլի ծառայությունը։