Իտալիայի հավաքականի գլխավոր մարզիչ Ռոբերտո Մանչինին կարող է  կարիերան շարունակել ԱՊԼ-ում, հայտնում է Daily Mail-ը։ Աղբյուրի տեղեկություններով՝ Մանչինին համարվում է «Տոտենհեմի» գլխավոր մարզչի թեկնածուներից մեկը, որոնց շարքում է  գտնվում նաև «Բրայթոնի» գլխավոր մարզիչ Գրեմ Պոտերը։

Ավելի վաղ հաղորդվում էր, որ Անտոնիո Կոնտեն ամռանը հնարավոր է  գլխավորի ՊՍԺ-ն և նույնիսկ ֆրանսիական ակումբ  տեղափոխվելու համար  3 պահանջ էր ներկայացրել ու նշել էր, թե ինչքան աշխատավարձ կցանկանար ստանալ այնտեղ։

Հիշեցնենք, որ Մանչինին արդեն ԱՊԼ-ում աշխատելու  փորձ ունի։ Նա 2009-2013թթ․ եղել է «Մանչեսթեր Սիթիի» գլխավոր մարզիչը։