«Շնորհակալություն, «Էնֆիլդ». Ռոնալդու

«Մանչեսթեր Յունայթեդի» հարձակվող Կրիշտիանո Ռոնալդուն շնորհակալություն է  հայտնել երկրպագուներին, հատկապես «Լիվերպուլի», ովքեր ԱՊԼ-ի 30-րդ տուրի՝ «Մանչեսթեր Յունայթեդի»(4։0) հետ խաղի 7-րդ րոպեին ծափահարություններով աջակցել էին նրան։

« Մեկ աշխարհ… Մեկ Սպորտ… Մեկ գլոբալ ընտանիք… Շնորհակալություն, «Էնֆիլդ»։  Ես և իմ ընտանիքը երբեք չենք մոռանա հարգանքի և կարեկցանքի այդ պահը»,- գրել է Ռոնալդուն սոցիալական ցանցում։

Հիշեցնենք, որ այդ խաղին  Ռոնալդուն չէր խաղում, քանի որ դրանից մի քանի օր առաջ մահացել էր նրա նորածին երկվորյակներից մեկը։  «Էնֆիլդում» կայացած խաղի ժամանակ «Լիվերպուլի  երկրպագուները խաղի 7-րդ րոպեին երգել էին  You ‘ ll Never Walk Alone երգը, ինչպես նաև  մեկ րոպե ծափահարություններով հարգել են Ռոնալդուի մահացած նորածին որդու հիշատակը: