«Օլդ Թրաֆորդը» կվերակառուցվի. խորհրդատուների թիմն անցել է գործի

«Մանչեսթեր Յունայթեդը» նշանակել է առաջատար խորհրդատուների թիմ՝ «Օլդ Թրաֆորդի» վերակառուցման գլխավոր հատակագծի ստեղծման համար:

Թիմը կգլխավորեն Legends International-ը և Populous-ը, որոնք երկուսն էլ մարզադաշտ կառուցելու մեծ փորձ ունեն ամբողջ աշխարհում:

Երկրպագուները կլինեն գործընթացի կենտրոնում՝ սկսած այս ամսվա վերջին խորհրդատուների և «Մանչեսթեր Յունայթեդի» աջակիցների խորհրդատվական խորհրդի հանդիպումից:

Նմանատիպ գործընթաց արդեն իսկ ընթանում է ակումբի մարզումային բազաների  համար, որտեղ KSS-ին հանձնարարվել է մշակել տղամարդկանց, կանանց և ակադեմիայի թիմերի համար ընդլայնված գերժամանակակից կառույցի գլխավոր պլան: