Սիմեոնե. «Մանչեսթեր Սիթին» ավելի լավ ֆուտբոլիստներ ունի, քան «Ատլետիկոն»

Մադրիդի «Ատլետիկոյի» գլխավոր մարզիչ Դիեգո Սիմեոնեն ասել է, որ «Մանչեսթեր Սիթին» իր թիմից ավելի ուժեղ կազմ ունի, սակայն մասնագետը դեռ հավատում է մադրիդիցների  շանսերին։

Չեմպիոնների լիգայի 1/4 եզրափակիչ փուլի ակումբների միջև առաջին հանդիպումը կկայանա Անգլիայում ապրիլի 5-ին։

«Անկասկած, «Մանչեսթեր Սիթին» իր հայտացուցակում ունի հիանալի խաղացողներ: Վստահ եմ, որ նրանք մեզնից լավ ֆուտբոլիստներ ունեն: «Մանչեսթեր Սիթին» և «Բավարիան»  ֆավորիտներ են՝ իրենց խաղացողների առանձնահատկությունների պատճառով: Բայց նախորդ մրցաշրջանում հաղթեց «Չելսին», և դա շատերը չէին սպասում»,- Սիմեոնեի խոսքերն է մեջբերում BBC-ն։