Չկար միայն Բեյլը. ուելսցին անգամ չէր ժամանել «Սանտիագո Բեռնաբեու»

Իսպանիայի ընթացիկ առաջնության հերթական տուրում Մադրիդի «Ռեալը» սեփական հարկի տակ մրցեց «Էսպանյոլի» հետ, չորս անպատասխան գոլ խփեց մրցակցին ու ժամանակից շուտ հռչակվեց չեմպիոն: Հանդիպումից հետո նորընծա չեմպիոններին հանձնվեց բաղձալի գավաթը: Չեմպիոնությունը թիմակիցների հետ տոնելու շտապեցին վնասվածք ունեցող ֆուտբոլիստները, բոլորը կարճ ասած բացի Գարեթ Բեյլից:

Ուելսին անգամ չէր ժամանել «Սանտիագո Բեռնաբեու»՝ հետևելու թիմակիցների խաղին ու տոնելու նրանց հետ չեմպիոնությունը:

Բեյլը բացակայում էր հայտացուցակից: Նա ուրբաթ օրը հայտնել էր, որ վավեր ունի մեջքի շրջանում և ինչպես Կլասիկոյի օրը, այս անգամ ևս մնացել էր տանը: Անգամ մարզադաշտ չէր ժամանել: Իսպանական Marca պարբերականը Բեյլի այս քայլը շատ վատ բառերով է որակել:

Լրիվ հակառակն եղավ օրինակ Էդեն Ազարի պարագայում: Բելգիացին մարզադաշտում էր ողջ ընտանիքի ուղեկցությամբ: Չնայած նրան, որ շատ քիչ էր խաղացել, երեխաների հետ ժամանել էր ստադիոն, որպեսզի վայելի երեկոն: Տեղում էին որակազրկված ու վնասվածք ունեցող ֆուտբոլիստները՝ Յովիչը, Նաչոն ու Միլիտաոն: Բոլորը միասին էին, չկար միայն Բեյլը:

Ֆուտբոլիստը գրառում է արել թվիթերում՝ նշելով. «Հիասթափված եմ, որ չեմ կարողանա մասնակցել տոնակատարությանը երեկոյան մեջքի ուժեղ ցավի պատճառով: Հպարտ եմ թիմով, որը նվաճեց տիտղոս: Վայելեք այս երեկոն, տղաներ»: