Արտյոմ Սիմոնյանը տեղափոխվեց ռուսական «Տոմ»

Երևանի «Նոայի» ֆուտբոլիստ Արտյոմ Սիմոնյանը տեղափոխվել է «Տոմ»: Այս մասին հայտնում են ռուսական ակումբի մամուլի ծառայությունից:

«Նոայի» մամուլի ծառայությունից հայտնում են, որ ակումբն ու Արտյոմ Սիմոնյանը երկկողմանի համաձայնությամբ խզել են պայմանագիրը:

25-ամյա խաղացողը «Նոայի» կազմում անցկացրել է 10 հանդիպում, խփել է 3 գոլ և կատարել գոլային երկու փոխանցում: Սիմոնյանը «Տոմի» հետ ստորագրել է պայմանագիր, որի ժամկետը նախատեսված է մինչև ընթացիկ մրցաշրջանի ավարտը:

Հիշեցնենք, որ «Տոմը» գլխավորում է «Զենիթում» Սիմոնյանի նախկին թիմակից Ալեքսանդր Կերժակովը:

Միացեք Football365.am-ի տելեգրամի ալիքին՝  https://t.me/football365am